இதயத்தில் பூத்துவிட்ட காதலின்
அடையாள சின்னமோ என்னவோ.?
தெரியாது.... ஆனால், இன்று...
அவளுமென்னை ரசிக்க வேண்டும்
என்பதற்காகவே பலமணி நேரம்
கண்ணாடியின் முன்பு என்னை - நானே
ரசிக்க தொடங்கிவிட்டேன் புதிதாய்...
அவள் செல்லும் வழியில் பின்னால் திரும்பி
என்னைப் பார்த்தாளோ என்னவோ.?
தெரியாது.... ஆனால், இன்று...
அவள் எனக்காகவே திரும்பியிருக்க வேண்டும்
என்பதற்காகவே தினமும் வந்து நிற்கிறேன்
அவள் பார்வை மீண்டும் ஒருமுறை - கிடைக்காதாவென
காத்திருக்க துவங்கிவிட்டேன் புதிதாய்...
நாளை அடைந்திடும் முன்னேற்றத்திற்கு
பள்ளிதேர்வுகளை படித்தேனோ என்னவோ.?
தெரியாது.... ஆனால், இன்று
அவளோடு பேசிமகிழ வேண்டும்
என்பதற்காகவே கவிதைகளையும் படிக்க
கணினியின் தேடலில் நானே - என்னை
மூழ்கடிக்க ஆரம்பித்துவிட்டேன் புதிதாய்...
புதிதாய் மலர்ந்த பருவமோ
காரணம் அதுவோ.? என்னவோ.?
தெரியாது.... ஆனால், இன்று...
என்வாழ்வில் அவள் செய்திட்ட மாயமோ
என்னுயிரில் எப்படியோ.? எவ்வாறோ.?
ஓவ்வொரு நிமிடமும் நான் - இவ்வுலகில்
அவளுக்காக பிறக்கின்றேன் புதிதாய்...
வரிகளின் தொடுதலில்
வசமாகிப்போனது என் மனது
வளர் பிறையென வாழ்த்தி
வரம்கொடுத்தாள்..
